I furlans a comprin mancul bens che a durin

Intal 2022 i consums di bens che a durin in Friûl-Vignesie Julie a son lâts jù dal 3%, restant dut câs pôc sot 1 miliart e 600 milions (1,583) di euros di spese complessive. Secont l’Osservatori dai consums Findomestic, in colaborazion cun Prometeia, la tindince regjonâl e je dongje di chê medie taliane (-2,7%) e miôr a pet dal Nordest: -3,4%. I redits a son cressûts dal 6,9% intal ultin an rivant ai 23.811 mil euros par abitant, al 7m puest tra lis regjons talianis. I triestins a àn sierât il 2022 cuntun redit medi di 24.633 euros (12t in Italie) distanziant soredut Gurize che e reste sot dai 20.000 euros (19.050) cundut de incressite plui alte in regjon (+7,7%). Pordenon e je la provincie dulà che lis fameis a àn spindût in medie di plui par bens che a durin (2.929 euros), ancje in chest e siere la classifiche Gurize cun 2.662 euros. (A.D.G.) – 14.06.2023