La Regjon Friûl-Vignesie Julie e metarà a disposizion 10,5 milions di euros pe realizazion di vincj Distrets dal cumierç, che la sô graduatorie e je stade publicade sul sît de stesse Regjon.
Ai Distrets, previodûts de leç regjonâl 3 dal 2021, a àn aderît 123 Comuns, cuntune popolazion di 982.294 abitants e 30.904 impresis.
L’obietîf dai Distrets al è il rilanç dal cumierç locâl, la valorizazion e la rigjenerazion dai centris citadins e des areis urbanis a vocazion comerciâl traviers progjets indreçâts a promovi la storie, la culture e lis tradizions, a tornâsi a vitalizâ l’atrat turistic e a valorizâ la ufierte di prodots dal teritori a chilometri zero e a bas impat ambientâl.
Lis macroareis di intervent previodudis intai progjets a rivuardin oparis di infrastruturazion urbane, azions di marketing teritoriâl e poie aes impresis locâls par digjitalizazion e disvilup sostignibil. I progjets a àn une durade trienâl. (a.d.g.) – 11.09.23
