Daçan al centri de rivoluzion agricule dal biogàs. Vuê, dilunc dal tierç apontament dal Farming Tour organizât dal CIB – Consorzi Talian Biogàs -, a son stadis frontadis lis novitâts previodudis pal setôr dal Plan nazionâl di riprese e resilience (Pnrr), che la Regjon e je pronte a cjapâ par tacâ un percors di transizion ecologjiche e di disvilup sostignibil. Tra chestis, juste apont il disvilup dal biometan in Italie, cuntun invistiment di 1,9 miliarts di euros, che a serviran a produsi dentri dai prossims trê agns 2,3 miliarts di metris cubis di biogàs.
In Friûl-Vignesie Julie cumò a son plui o mancul 90 i implants a biogàs presints, alimentâts soredut cun prodots agricui, e localizâts prin di dut intes provinciis di Udin e Pordenon. (A.D.G.) – 15.06.2023
