Il Friûl-Vignesie Julie si cjate al cuint puest fra lis regjons talianis che, fra il 2017 e il 2022, a àn regjistrât la plui fuarte cressite inte produzion di energjie di implants fotovoltaics.
La prime regjon e je la Sardegne (+34,5%), po la Lombardie (+28,8%), Ligurie (+25,7%), Venit (+24,9%) e Friûl-Vignesie Julie (21,3%).
Il dât al rivuarde la produzion complessive di ducj i implants fotovoltaics instalâts (residenziâi, agricui, impresis de produzion di energjie eletriche e impresis di manifaturis, costruzions e terziari no energy).
Il dât al è contignût tal dossier “La produzion di energjie fotovoltaiche intes impresis de Sardegne”, elaborât dal Ufici studis di Confartigianato Sardegna su dâts Gse dal prin trimestri 2023. (a.d.g.) -30.08.23
