Dal aeropuart di Roncjis di Monfalcon (Trieste Airport) a saran doi svoi par dì bande Milan – Linate (lade e tornade) e a son ancje novitâts par Alghero, Olbia e salerno. La compagnie Aeroitalia – al jere a rapresentâle l’aministradôr delegât Gaetano Francesco Intrieri – à presentât i svoi gnûfs che a tacaran dai prin di Lui ae presince dal president de Regjon Massimiliano Fedriga e dal assessôr regjonâl aes Infrastruturis Cristina Amirante.
“Il colegament cun Milan – al à sotlineât Fedriga – al è strategjic pal svilup economic dal Friûl Vignesie Julie. Par chest di la dal ristabiliment dal colegament, la Regjon e je za in vore par sigurâ che al vadi indenant par almancul altris trê agns tant di garantî un servizi essenziâl a impresis e citadins”. (a.d.g.) – 25.06.2026
