Aes impresis dal setôr vitivinicul doi milions di euros

La Zonte regjonâl e à aprovât il bant pal acès ai fonts dal Plan strategjic nazionâl 2023-2027 dal setôr vitivinicul.

L’impuart complessîf al è di 2 milions di euros a pro des micro-impresis piçulis e mediis in misure pâr al 40% de spese sostignude in efiets, aes impresis intermediis in misure dal 20% e aes grandis impresis in misure dal 19%.

“Cun cheste delibare – al à sclarît l’assessôr ae Agriculture, Stefano Zannier – o ativìn chê che di fat e je la gnove politiche comune agricule e o din il vie ae gnove programazion plurienâl”. (A.D.G.) – 08.05.2023