E nas a Paluce la Vetrine dai Lens dal F-Vj, un spazi dulà podê cognossi di dongje lis diviersis essencis dai arbui de nestre regjon, in curt di pode cjalâ ancje in maniere virtuâl.
Preparade inte struture regjonâl dal Centro servizi per le foreste e le attività delle montagne (Cefam), la gnove xiloteche e ten plui di 50 speciis legnosis dal nestri teritori (peçs, pins, faiârs e rôi), visibii in 150 diviers campions.
L’obietîf di Legno Servizi, dentri di un program strategjic metût in vore in colaborazion strente tra la Regjon e il Cluster Legno Arredo Fvg, al è chel di permeti a ducj di scuvierzi i boscs e lis risorsis legnosis dal F-Vj e di fâ apassionâ, in particolâr chei plui zovins, a un mont che al à tant di ufrî. Une iniziative che e conferme e a valorize il rûl dal Cesfam cuâl pont di riferiment regjonâl sul teme Bosc Len, sede di tancj incuintris e iniziativis che a àn cjapât impresis, ricercjadôrs e students che a vegnin di dute Italie; il forum anuâl dai students universitaris di Siencis forestâls, par esempli, al dopre propit Paluce tant che cjamp base di riferiment. (A.D.G.) – 10.02.2023
