Zornade de Memorie: la storie dal sindic ebreu di Udin copât dai fassiscj

Miercus ai 25 di Zenâr, aes 8.30 di sere tal Teatri San Giorgio di Udin, te suaze des iniziativis promovudis dal Comun pe Zornade de Memorie 2023, e je in program la leture “Il sindaco ebreo. Elio Morpurgo dall’Unità alla Shoah – una storia vera”. Il teme al è di grant interès: il destin e lis contradizions di un ebreu talian che al è stât sindic di Udin, deputât, sotsegretari di Stât e senatôr, che al à sostignût il fassisim e che al è stât sassinât in mût brutâl dai nazifassiscj tal 1944. Autôr dal libri, publicât di kappa VU, “Il sindaco ebreo”, il storic Valerio Marchi al puarte sul palc la conte di une «tragjedie greghe» che si è davuelte te nestre regjon. Fra narazion, musiche e vôs, la vicende dal Morpurgo e de sô famee furlane e mostrarà di un osservatori privilegjât su vicendis e cuistions de nestre storie. (A.I.) – 24.01.2023