111
La Associazion culturâl Corale Polifonica di Montreâl e à pensât e prodot un spetacul teatrâl e musicâl, epic e poetic, in ricuart di Federico Tavan, tal decim aniversari de muart. Domenie ai 6 intal paîs dal poete, Andreis, intal plaçâl de glesie di Sante Marie, al va in sene “Il capodoglio. Rapsodia per Federico”, cun test origjinâl firmât di Massimo Somaglino, che al à curât ancje la regjie e al sarà in sene tant che contadôr, dongje di Letizia Buchini, Giulia Cosolo, Carla Vukmirovic. I atôrs a interagjissin cu la Corâl Polifoniche di Montreâl e cui musiciscj Giulia Di Bon, Riccardo Pes, Simone Grassi e Maurizio Baldin. (A.I.) – 03.08.2023
