Ultime tape pe storie scrite ‘a pontadis’

Ultin apontament joibe ai 31 pal premi leterari plui stramp e simpatic, “La storia che non c’è”, dulà che i scritôrs si metin in zûc improvisant une conte, daspò che il titul al ven dât pôcs minûts prime dal spetacul. Propri cussì, parcè che chel ideât di Rocco Burtone al è pardabon un spetacul, viodût che la leterature e fâs part dal mont de art e in cheste serade i protagoniscj a saran doi scritôrs, Elena Vesnaver e Giuseppe Mariuz, che a son ancje maridâts! Come simpri, la musiche e acompagnarà il moment de scriture, li de vile Nachini Cabassi a Cuar di Rosacis, cul conciert de Banda del tasso. (A.I.) – 29.08.2023