Tisane, il premi pe narative ae romane Emanuela Canepa

Emanuela Canepa e à vinçût il trentesim prin premi leterari Internazionâl “Latisana per il Nord-Est” cul so libri “Resta con me, sorella” (jessût par Einaudi), un romanç su la vite di dôs feminis che si cjatin te preson veneziane de Giudecca e che a àn l’insium di liberâsi des cjadenis de storie. La vincidore e je stade comunicade tal finâl de cerimonie di premiazion, une grande fieste dai libris, dai autôrs e dai apassionâts de leture. La autore romane e veve za vinçût il premi de sezion il “Territorio” tal 2019 cun “L’animale femmina”. Sul palc dal teatri “Odeon” di Tisane ancje lis altris dôs finalistis, Cristina Battocletti e Esther Kinsky, dongje di Antonio G. Bortoluzzi, che al à vinçût il premi “Coop Alleanza 3.0” sielt de jurie dai letôrs, e Giovanni Grasso, vincidôr dal premi “Banca360FVG”, assegnât de jurie dai zovins, fate di nûf students dal “Mattei” di Tisane. (A.I.) – 15.04.2024