Plui di 6 mil personis par “Dedica”

Si è sierade cuntun belanç positîf la vincjesime novesime edizion dal festival “Dedica”, une setemane penze cun 12 avigniments che a àn contât in dutis lis formis artistichis la opare de scritore francese Maylis de Kerangal, une des autoris plui impuartantis dal dì di vuê. Il public al à partecipât in grant numar a ducj i apontaments, za dilunc dal percors des anteprimis in undis Comuns de regjon. Plui di sîs mil lis presincis in dut ai apontaments de setemane a Pordenon, di là dai 2 mil students e di un altri dât significatîf: plui di 200 mil acès sui social. Numars superiôrs a chei des edizions prime de pandemie. (A.I.) – 27.03.2023