Patui al conte il Friûl ‘dismenteât’ intai gnûfs ‘dialics in zardin’

E tache la rassegne “Connessioni. Udine, Friuli, Europa: dialoghi in giardino”, un percors culturâl dilunc i mês estîfs – cu la poie dal Comun di Udin – par imerzisi intes relazions storichis, culturâls, sociâls che a lein la citât di Udin, il Friûl-Vignesie Julie e la Europe. Une leture e dodis incuintris par tornâ a fevelâ de leterature tant che puint intal fonts dai spazis verts citadins dai Giardini del Torso, dal Giardino Loris Fortuna e dal Parc di Sant Svualt. Il prin apontament vinars ai 30 aes 9 sot sere inte Cort di Palaç Morpurgo, cun Paolo Patui che al conte “Il Friuli indimenticabile che abbiamo dimenticato“, cun leturis di Monica Mosolo e musichis di Elvis Fior. (A.I.) – 29.06.2023