Mittelart: un simposi de bande des feminis

Te vile de Claricini Dornpacher di Butinins di Muimans, vinars ai 21 si scree il simposi di art contemporanie internazionâl “Mittelart 2023”, un dai avigniments di “Mittelland”. La iniziative, che fint ai 25 di Lui e puartarà inte vile storiche dal Sîscent 17 artiscj dal Orient e de Mitteleurope, e vûl meti al centri de atenzion, traviers il lengaç universâl de art, il teme de lote ae violence cuintri lis feminis. Ognidun dai 17 presints al fasarà dôs oparis che, al tiermin dal simposi, a cjataran colocazion intai spazis de vile, dulà che si podaran visitâ fin a fin Avost e a podaran ancje jessi cuistadis: il rigjâf al sarà destinât al repart oncologjic dal Ospedâl di Udin. (A.I.) – 20.07.2023