Maian al memoree Pre Zannier, candidât al Nobel

La Aministrazion comunâl di Maian e celebre la Fieste de Patrie dal Friûl cuntun event dedicât ae leterature, ae poesie e ae musiche furlane, memoreant un dai esponents massims: Pre Meni Zannier. L’avigniment, che si tignarà joibe ai 13 di Avrîl, des 8.30 di sere li dal Hospitale di S. Tomâs, al viodarà la partecipazion dal rapper furlan DJ Tubet e de poetesse Luigina Lorenzini, che e presentarà al public la figure di Pre Zannier, predi, poete e scritôr, za candidât al Nobel, interpretant e analizant cierts siei tescj pôc cognossûts. L’intervent di DJ Tubet nol varà dome che une funzion di acompagnament musicâl, ma al permetarà al public di cognossi la musiche tradizionâl furlane secont gnovis declinazions, dimostrant che la lenghe furlane si cumbine ben cun gjenars musicâi diviers. (A.I.) – 12.04.2023