Il timp des jerbatis al Mulin di Basandiele

Il Comun di Cjampfuarmit, che al à vinçût di pôc il Premi Smartphone d’Oro 2023 – sezion Turisim cul Mulin di Basandiele, al continue la ativitât di animazion e promozion dal Centri visitis dal Parc dal Cormôr. Il prin apontament al è la presentazion dal libri “Il tempo delle erbacce” di Stefano Montello, musicist e scritôr, joibe ai 7 aes 6.30 dopomisdì propit li dal Mulin di Basandiele. Il so libri al cjale lis jerbatis di un pont di viste strani: di fat, e ven fûr une umanitât varie, che e sclarìs cemût che chestis jerbis matis a vedin une lôr reson di jessi e, cuasi simpri, chê che e infeste e il vêr nemì a son dentri di nô. I incuintris cui autôrs al Mulin a laran indevant ai 15 di Dicembar cun Germano Pontoni, mestri di cusine, par une serade dedicade ai savôrs dal Cormôr. (A.I.) – 06.12.2023