Il professôr plui famôs de television al conte Manzoni

Gnûf incuintri promovût de Somsi di Pordenon inte suaze dal progjet “Peraulis par un gnûf umanisim”, cun Andrea Maggi che al ricuardarà la figure di Alessandro Manzoni intal centesim cincuantesim aniversari de muart. Joibe ai 25, aes 8.45 sot sere, la cjase di Manzoni e i personaçs che lu àn acompagnât lunc il so percors a cjaparan vite dentri dal Ex Convent di S. Francesc, in graciis de ambientazion par cure di Sonia Dorigo. Il professôr plui innomenât de tv taliane al varà il compit di contâ la vite, la ereditât morâl e la atualitât dal autôr e dal so romanç plui famôs, “I promessi sposi”, ancjemò vuê une tape obleade de formazion linguistiche e leterarie dai zovins. (A.I.) – 23.05.2023

Foto di Studio Profili