Il flum Lusinç contât intun documentari

Miercus ai 26 al sarà il tierç dì dal Festival dal cine di “éStoria”, cuntune proiezion aes sîs di dopomisdì tal BorGo Cinema: “Isonzo”, Lusinç, un documentari diret di Giampaolo Penco, dedicât al flum, un simbul de vicinance jenfri Italie e Slovenie. La storie e je dominade di imagjins che a metin in lûs la bielece des sôs aghis colôr smeralt, compagnadis di une vôs fûr di cjamp. La introduzion e il coment a son di Andrea Bellavite, teolic, gjornalist e operadôr, autôr dal libri “Gorizia – Nova Gorica, due città in una” (Gurize – Gnove Gurize, dôs citâts intune. Bellavite al à sielt di vivi za di cuant che al jere piçul a Gurize, ricognossint la sô bielece straordenarie e dispès scuindude. Il documentari al è prodot de associazion culturâl èStoria. (A.I.) – 26.05.2026