Gjenerazions a confront ae Cjase dal student di Pordenon

Tierç apontament di “Narratori d’Europa”, il cicli di incuintris sui autôrs e sui romançs promovût de IRSE, Istitût Regjonâl di Studis Europeans, intal Auditorium Lino Zanussi de Cjase dal Student di Pordenon. Une edizion dedicade a une domande sburtade cun fuarce dai timps che o sin daûr a vivi: “Dove sei, mondo bello” (Dulà sêstu, mont biel?). Joibe ai 16 aes 3.30 dal dopomisdì, presentazion critiche di “Isola” de autore danese Siri Ranva Hjelm Jacobsen, par cure di Stefania Savocco. Po dopo, “Boomers e Generazione Z a confronto”, une interviste dople tacant di cualchi teme dal romanç: lidrîs, tradizions, disorientaments, migrazions. (A.I.) – 15.02.2023