Doi secui di grafichis di grancj artiscj a S. Vît

A San Vît dal Tiliment, te Glesie di S. Lurinç, si scree vinars ai 26 la mostre “Passioni”, oparis grafichis di grancj autôrs dal ‘700 al ‘900 ator dal teme de via Crucis. Il teme al è il stes di ducj i percors espositîf de trentesime cuarte edizion dal Festival internazionâl di musiche sacre dedicât ae “fede”. Te glesie il public al cjatarà oparis di autôr cun firmis prestigjosis, a tacâ di Albrecht Dürer,il plui impuartante artist dal “Rinassiment todesc” che si ispirave ai grancj pitôrs venezians dal Cinc cent: in mostre un libri ator de Passion di Crist stampât a Vignesie tal 11612, cun cuasi 40 xilografiis origjinâls. E po dopo: une “Via Crucis” dal 1780 di Giambattista Tiepolo, dissegnade dal fi Giandomenico e incidude di Giacomo Leonardis. E, po dopo, altris oparis fats dal artist pordenonês Mario Moretti (1917-2008), che al à fat soredut oparis sacris. (A.I.) – 24.09.2025