Di martars a Pordenon si fevele dai Vanzelis

Al scomence martars ai 10 intal Auditorium dal centri culturâl Cjase dal Student “Antonio Zanussi” di Pordenon il cicli di incuintris ‘Martars a dibatiment’, par cure di Presenza e Cultura, rivât al so trentesim prin an di ativitât. Chest an il fîl condutôr, che al zire ator dal anunzi des beatitudinis, al à tant che titul gjenerâl “Felicitât dificile, felicitât pussibile”. Si tache cul teme specific “Beâts i puars in spirt”, par lâ indevant ogni prin martars dal mês fevelant des beatitudinis che si cjatin intai Vanzelis, ven a stâi la espression plui alte e plui apassionante dal messaç di Jesù, in sîs cunvignis cun dibatiment par cure di Orioldo Marson e Federico Zanetti. (A.I.) – 09.10.2023