Culture in corot: al è muart Calligaro

Mont de culture in corot. Al è muart a 95 agns il pitôr e vignetist Renato Calligaro, che al jere a stâ a Buie, dulà che al jere nassût, dopo i agns in Argjentine e in Brasîl, la sô seconde patrie. Calligaro al à lavorât pai gjornâi talians e mondiâi plui prestigjôs. Inte trame di esperiencis grafichis diviersis, al à fat une fusion fra piture, grafiche publicitarie e fumet. Tant che ilustradôr e vignetist di satire politiche, al à colaborât a tancj gjornâi e rivistis (Linus, Panorama, l’Espresso, La Repubblica, il Manifesto, Le Monde, Lotta Continua, Reporter…) e al à publicât libris par Feltrinelli e Rizzoli. Al veve ancje fondât e al jere stât diretôr di “TempoFermo”, une riviste di psicologjie e antropologjie de art. A Udin, intal 2020, a cjase Cavazzini e jere stade ospitade une mostre cun plui di 300 oparis. (A.I.) – 14.09.2023