Cjase Cavazzini: la ultime mostre no je stade un sucès

E à sierât dopo sîs mês la mostre “Insieme” a Cjase Cavazzini, tal centri di Udin, curade dal Comitât di S. Florean e pre Geretti. Si pontave ai setante mil visitadôrs, o almancul a passâ i cincuante mil di “La forma dell’Infinito”, la prime colaborazion tra Comun di Udin e i organizadôrs des mostris di Dieç, ma il numar reâl al è di pôc mancul di 30 mil biliets dai 18 di Fevrâr in ca. In mostre, 55 oparis, risultât des relazions cun passe trente colezions di varis Paîs de Europe: une formule che cumò e je in dubi, viodût che l’assessôr ae Culture Federico Pirone al à domandât “un moment di riflession par valutâ cun atenzion i programs futûrs”. (A.I.) – 19.07.2023