Centenari di Pasolini, ultimis cunvignis

Si siere cun doi apontaments “Viers Pordenon e il mont. Pier Paolo Pasolini da Casarsa ai luoghi della giovane poesia italiana”, il progjet realizât de Fondazion Pordenonelegge pe rêt dai Istitûts talians di culture, par puartâ in dute la regjon lis sugjestions di 11 videos dedicâts a ancjetancj lûcs de poesie e dal mît di Pasolini, in ocasion dal centenari. Joibe ai 19, a S. Vît dal Tiliment, aes 6.30 dopomisdì al Teatri Arrigoni, il diretôr artistic Gian Mario Villalta al condûs “Io ti ricordo”, un incuintri cun Beatrice Achille, Giuseppe Mariuz e altris ospits locâi. Vinars ai 20, inte Biblioteche di Cjasarse, cun Villalta a saran la poetesse Franca Mancinelli, il fotograf Elio Ciol e altris testemonis. (A.I.) – 18.01.2023