Aperitîf cu la art in memorie di Alda Merini

Ae poetesse Alda Merini, une femine che e à segnât insot la poesie taliane, e à savût lotâ cuintri i siei demonis e, cui siei viers, e je jentrade intal cûr des personis, al è dedicât il gnûf apontament di “Aperitîf cu la art”, joibe ai 14 li dal Convent di S. Francesc a Pordenon. A contâ Alda Merini a saran lis peraulis di Cristina Bonadei e di Massimo Tommasini, che al cure ancje la regjie, acompagnâts des notis di Amir Karalic ae ghitare, intun spetacul di musiche e imagjins intal stîl becant che al caraterize l’Aperitîf cu la art. Po dopo, aperitîf cerce finâl cui vins de aziende I Magredis di Domanins. (A.I.) – 13.12.2023