Animazion: ducj i vincidôrs dal festival

Il “Piccolo Festival dell’Amimazione” diret di Paola Bristot al à anunziât a S. Vît dal Tiliment ducj i premiâts des cinc sezions, judicâts di esperts dal setôr tant che Sara Colaone, autore di fumets di Pordenon, e altris. Inte sezion principâl, la “Main Competition”, al à vinçût il cine rus sureâl “Kharms”, di Svetlana Andrianova. Il premi dal public – une jurie di passe 1.000 students che a vegnin des scuelis dal Friûl-Vignesie Julie – al è lât a “Impossible Maladies” dai fradis Alice e Stefano Tambellini, presentât in anteprime mondiâl. Pe sezion “Green Animation” al à vinçût il polac “Krab”, par “Visual&Music” une produzion di Taiwan. Francês, invezit, i premiâts par “Anime Kids” (in jurie, students dai 5 ai 9 agns) e “Anime Young” (students des superiôrs). La rassegne e torne ai 30 di Novembar, a Triest, li dal Teatro dei Fabbri. (A.I.) – 20.11.2023