Ae scuvierte di Tina Merlin

Un apontament par scuvierzi Tina Merlin tal centenâr de sô nassite e par esplorâ in maniere vivarose cualchi moment dai plui impuartants de storie dal vincjesim secul. Ae gjornaliste di Belum, partigjane, scritore e figure impuartante dal impegn civic e je dedicade, la leture “La resistence di Tina Merlin”, che si davuelzarà te parochie di S. Domeni di Udin miercus ai 7 aes 6 di dopomisdì, a jentrade libare cence sore nuie. Lis sôs peraulis e i siei principis a cjaparin vite cu lis leturis di Federica Garbarini e di Michelangelo Baradel de Academie des Artis Dramatichis “Nico Pepe” di Udin, cui intervents di Fabio Passador e Nadia Mazzer de ANPI. La sô figure e sarà contade tacant des sôs ricercjis su la dighe dal Vaiont – cuant che e veve denunziât i pericui de costruzion, cence jessi scoltade, prime dal disastri dal 1963 – fint ai siei articui sul dispopolament des monts dal Venit, su lis lotis sindicâls, su lis cundizions di vite dai contadins e dai lavoradôrs e su chê des feminis. (A.I.) – 06.10.2026