A Tumieç i cuarante agns des ‘imagjins de fantasie’

Ancje chest an, in colaborazion cu la fondazion Štěpán Zavřel di Sarmede (Trevîs), la mostre “Le immagini della fantasia” (“Lis imagjins de fantasie”), rivade ae edizion cuarantesime, e ven presentade a Tumieç, cu la scree sabide ai 25. Un aniversari cetant impuartant par une mostre dedicade al mont de ilustrazion, fate pe prime volte intal 1983 di un grup di zovinis. Intes salis espositivis di Palaç Frisacco a saran metudis in mostre 150 oparis di 18 ilustradoris e ilustradôrs, ripartidis in cuatri sezions a teme. La cuinte sezion e je dedicade ae ospite di onôr, Joanna Concejo, artiste di origjin polache, che cui siei lavôrs e comuniche la sô idee particolâr di libri e di ilustrazion. (A.I.) – 24.11.2023