Udin, il prin Comun furlan ‘cence plastiche’ in regjon

Udin prin Comun furlan “Plastic Free”. Il premi pal 2023 al è stât consegnât, dilunc di une cerimonie a Bologne, ae Aministrazion de capitâl, la uniche in dute la Regjon. Des passe 360 citâts talianis che a àn puartât indevant la candidature a “Plastic Free Onlus”, la associazion di volontariât impegnade dal 2019 a contrastâ l’intosseament di plastiche, 68 a àn passât la valutazion. In a pene trê agns, la associazion Plastic Free e à fat 3.500 apontaments di racuelte, dulà che a son stâts dislontanâts dal ambient ben trê milions di chilos di plastiche e refudums che a incuinavin il teritori talian. (A.I.) – 13.03.2023