Vuê il Comun di Udin al à mandât fûr une ordenance di revoche de autorizazion al funzionament dade tant che comunitât educative assistenziâl destinade al acet di minôrs autosuficients tal imobil di Viâl XXIII Marzo 1848, n. 31, dade ai 23 di Dicembar dal 2020. Intal stes timp, Palaç D’Aronco al à ordenât ae cooperative sociâl Aedis di informâ de disposizion cjapade i Comuns, logâts in Regjon e no dome, afidataris dai minôrs acetâts inte struture.
La ordenance di revoche e rive dopo il sorelûc dai 24 di Avost e des domandis documentâls precisis di bande dal Comun, fin di Fevrâr dal 2023, che, a Setembar, la Cooperative no à rispuindût in maniere complete, zontant declarazions e documents considerâts no conformis.
Il Comun di Udin duncje al à proviodût a revocâ l‘autorizazion confermant la indisponibilitât definitive de struture di viâl XXIII Marzo ae ospitalitât di minôrs no acompagnâts. (a.d.g.) – 04.10.23
