E je lade a sbati cu la sô Ford Fiesta cuintri di un platin intant che e stave lant a vore. E je muarte cussì Kseniya Lyulchak, 27 agns, di origjins ucrainis che e viveve in provincie di Udin. L’incident al è sucedût vuê sul cricâ dal dì tor des 6.45 dilunc de strade provinciâl 42 Jesolana, tal teritori di Concuardie.
Il bot al è stât une vore violent. I Vigjii dal fûc a àn rivât a liberâ la zovine dai lamarins de auto, ma i tentatîfs di rianimâle non son servîts. Lis causis dal incident a son sot investigazion, ma si pense che e puedi jessi stade une bote di sium. La strade e je stade sierade ancje par fâ i rilêfs cun fuarts ralentaments dal trafic.
La comunitat ucraine che e vîf in Friûl e je in corot. La zovine e viveve cun sô mari Nadiya e e jere une brave musiciste che e veve cjapat part a une vore di iniziativis a pro des associazions ucrainis e dai migrants tal teritori di Puart. (a.d.g.) – 27.10.20026
