Robâts bêçs e zoiis intune aziende a Dartigne

Laris in azion a Dartigne, intune imprese specializade tal nauli di machinis industriâls. Scognossûts a son jentrâts dentri de aziende Umi di Ermes e Daniele Passarino, dopo vê sfuarçât un barcon.

Di un scansel i delincuents a àn robât 4 mil euros in contants e ancje zoiis di aur dal valôr di plui di mil euros.

A son stâts i doi imprenditôrs, a pene che si son inacuarts de robarie, a denunziâ il fat ai carabinîrs di Buie. (a.d.g.) – 18.04.2024