Robariis a Vildivar e a Tisane

Laris in azion a Vildivar, indulà che a son jentrâts intune cjase puartant vie doi orlois e zoiis di aur par un valôr di 3.500 euros. Purtrop i delincuents no àn scugnût lavorâ masse parcè che il proprietari al veve lassât lis clâfs sot dal netepîts. Cuant che al è tornât al à cjatât dute la cjase sot sore.

Ancje a Tisane a son jentrâts dentri di une cjase: une siore di 80 agns e à denunziât la robarie di un orloi, monedis e bêçs par plui o mancul 1.500 euros. (a.d.g.) – 04.04.2024