Intai dîs passâts, i militârs dal Ufici Locâl maritim di Lignan a àn metût sot secuestri un impuartant cuantitatîf di refudons cjatâts dentri di une largje aree te Lagune di Grau e Maran, di proprietât di un implant di riproduzion, produzion, arlevament e comercializazion di moluscs, suntune superficie totâl di plui o mancul 1.500 metris cuadris.
Intal cors des investigazions fatis dal Nucli operatîf di Polizie ambientâl de Vuardie Costiere di Lignan, a son stâts metûts i sigjîi a un grues cuantitatîf di refudons di varie nature (materiâl ferôs, latinis, plastiche, len, pneumatics, fuscj, rêts di pescje e un tratôr fûr ûs).
Lis ativitâts investigativis a àn aciertât che la societât no veve nissune autorizazion ambientâl e che i refudons a jerin butâts sul teren cence impermeabilizazion e esponûts ai agjents atmosferics cun pericul concret di intosseament pal ambient. Il titulâr de imprese al è stât denunziât ae autoritât judiziarie e i è stade ancje imponude la restaurazion dal stât dai lûcs cul coret smaltiment o recupar des scovacis cjatadis. (A.D.G.) – 29.03.2023
