Rapinade femine a Manzan, a pene lade fûr de sô buteghe

Rapine ai dams de titulâr de lavandarie a sec di vie dal Cristo, a Manzan. Îr di sere, aes 7 e mieze, la femine di 74 agns e veve sierât la ativitât e e jere montade in auto cuant che un delincuent si è svicinât e al à viert la portiere  de bande dal passizîr.

Propit te sente dal passizîr la femine e veve a pene poiât la borse cun dentri 300 euros, il telefon celulâr e la cjarte di credit. E à tentât in ducj i mûts di stratignîle, ma il lari cun fuarce je à tirade vie e al è scjampât. Sot shoc, la imprenditore e à clamât i Carabinîrs che cumò a indaghin su la vicende. (A.C. – A.D.G.) – 20.01.2023