Plui spazi pai ambulants in place dal domo

La Aministrazion comunâl di Udin e à decidût di slargjâ i spazis in place Domo par vignî incuintri aes dibisugnis dai vendidôrs ambulants cence un puest fis dentri dal marcjât comunâl intal centri.

Cheste iniziative e rive par vie dai incuintris de aministrazion cui ambulants daspò dal spostament dal marcjât de sede di place XX Settembre ae destinazion provisorie dongje dal domo.

Za di doman a saran metûts a disposizion trê puescj in plui tes zornadis di joibe e di sabide. (a.d.g.) – 17.04.2024