145
Un om di plui o mancul 60 agns di etât al è stât socorût chest dopomisdì pes feridis ripuartadis dopo jessi colât di plui o mancul doi metris, dentri di une ativitât produtive de zone industriâl Ausse Cuar a S. Zorç di Noiâr.
Par causis sot investigazion di bande des fuarcis dal ordin (a son stâts clamâts i carabinîrs de Compagnie di Tisane), l’operari al è colât intant che al jere daûr a fâ des manutenzions.
A dâ l’alarme clamant il numar unic di emergjence Nue112, a son stadis lis personis che si cjatavin in chel moment cun lui. I infermîrs de Sores a àn inviât daurman sul puest l’elisocors che dopo al à traspuartât l’om al ospedâl di Cattinara in codiç zâl. (A.D.G.) – 20.02.2023
