Laris in fuide a tirin sot un carabinîr a S. Zuan dal Nadison

Doi laris, dopo vê robât intun supermarcjât Eurospin a S. Zuan dal Nadison, a àn tirât sot un carabinîr fûr servizi che al veve cirût di blocâju a pene lâts fûr de buteghe.

Il coragjôs agjent al è stât pocât fuart de auto in fuide e al à vût feridis che a podaran vuarî intun mês.

Un dai doi laris, pôc prime, al veve robât marcjanzie intal supermarcjât butantle dentri di un russac e cuant che un dipendent lu veve discuviert i veve dât cuintri cun violence par dopo scjampâ fûr e montâ su la auto indulà che lu spietave il compliç. (a.d.g.) – 10.04.2024