Infortuni grâf intun cantîr su la A28

Infortuni sul lavôr cheste matine a Sacîl. Un operari di plui o mancul 40 agns, al lavôr intun cantîr viert dilunc de A28, al è lât jù di une scarpade marcolant par plui o mancul 6 metris. L’om al è colât intun pont ert, li che a son rivâts cun dificoltât des vuardiis dal fûc e dai sanitaris.

Une volte rivâts, il ferît al è stât traspuartât in ambulance li dal ospedâl Sante Marie dai Agnui di Pordenon in cundizions seriis. Lis operazions a son stadis fatis in colaborazion cui oms de Polizie stradâl. (a.d.g.) – 15.01.2024