La Polizie di Stât di Udin te suaze dai servizis straordenaris sul teritori decidûts dal Cuestôr di Udin, te matine di vuê e à fat, adun cui carabinîrs e il jutori di une unitât cinofile de Vuardie di finance, controi dongje di cierts istitûts scolastics de citât e ancje a Tarvis, e ancje tai lûcs indulà che si cjatin i students, tant che lis fermadis dai autobus e lis stazions.
A Udin al è stât controlât cun atenzion il Terminal students di vie della Faula e i spazis dongje ai istitûts Bonaldo Stringher e Giacomo ceconi, intant che a Tarvis e je stade controlade la aree dulintor l’istitût Bachmann.
Passe 430 i students controlats. Platats dentri di cisis dongje di un istitût tal cjâf lûc furlan a son stâts cjatâts dîs grams di hashish. (a.d.g.) – 06.10.2026
