Cjapât l’om che al dave fastidi aes ambulancis a Pordenon

I carabinîrs a àn cjatât l’om che in plui câs, intant che al vuidave la sô machine, al veve taiât la strade aes ambulancis, juste pal gust di dâ fastidi. Par cause di chestis manovris, i vuidadôrs des ambulancis une vore dispès a jerin costrets a fâ manovris par no lâi intor, cun pericul no dome pai sanitaris ma ancje pai malâts che si cjatavin inte ambulance.

Identificât dai carabinîrs l’om di 43 agns che al è za cognossût aes fuarcis dal ordin; dilunc de percuisizion a son stâts cjatâts ancje ogjets doprâts par inceâ, come che un pontadôr laser e video regjistrâts sui telefonins propit dilunc des azions cuintri des ambulancis.

L’om al è stât denunziât par interuzion di servizi public e violence privade. (a.d.g.) – 30.05.2025