Mdma, ketamine, cocaine, marihuana e hashish a son lis droghis prontis par jessi spaçadis cjatadis dentri di dôs abitazions a Pordenon e a Cordenons dilunc di une operazion de Polizie locâl e de Polizie di Stât fate lunis ai 3 di Març sul cricâ dal dì.
I agjents compagnts di cjans antidroghe a àn fate iruzion inte cjase a Pordenon, indulà che al jere a stâ un om di 26 agns. La percuisizion e à tirât fûr 6 grams di Mdma e un di ketamine (dôs droghis sintetichis), plui altris 5 grams di marihuana e hashish. Il zovin al è stât denunziât in stât di libertât.
In chê altre cjase, a Cordenons, ocupade di un om di 27 agns, a son stâts secuestrâts 9 grams di cocaine, 40 di hashish e 182 di ketamine. La cuantitât grande di ketamine, che si podevin preparâ passe 500 dosis di vendi, e à permetût ai agjents di arestâ il spaçadôr che cumò al è in preson. (a.d.g.) – 06.03.2025
