75
Doi malvivents a àn provât di sfonderâ une des cassis automatichis li de jentrade dal parc cuviert dal Zardin Grant, a Udin, ma a son stâts metûts in fuide de rivade des vuardiis dal Cuarp des vuardiis noturnis. Aes 2.40 di îr di gnot l’operadôr de centrâl operative al à viodût des imagjins dal sisteme di videocontrol che dôs personis a jerin daûr a provâ di sfonderâ, cuntune mace di cantîr, dopo recuperade, un dai doi parchimetris e al à inviât daurman sul puest dôs vuardiis, che a àn evitât che la robarie e fos puartade a tiermin.
I doi laris a son scjampâts di fat cence robâ nuie, procurant dome dams grâfs ae casse automatiche. Sul puest e je rivade ancje une volante de Polizie di Stât. (a.d.g.) – 05.10.23
