Arestât un zovin a Segrât dopo che al veve cirût di scjampâ dai carabinîrs

Un zovin di 20 agns al è stât arestât vie pe gnot di sabide passade a Segrât dopo jessi scjampât a pene che al veve viodût i carabinîrs.

Il fat al è sucedût dongje de stazion dai trens: il zovin al à cirût, dilunc de fuide, di butâ vie un pacut cun dentri 19 grams di ketamine, che al è stât daurman recuperât dai carabinîrs. La percuisizion a cjase dal om arestât e à permetût di cjatâ un belancin di precision e une piçule cuantitât di hashish.

L’om al è stât fermât e identificât par jessi daspò puartât in preson a Gurize, indulà che al è a disposizion de autoritât judiziarie. (a.d.g.) – 25.09.2025