85
I agjents de Cuesture di Udin a jerin daûr a spietâlu ae jessude di un supermarcjât di Glemone, là che al veve fat a pene la spese: l’om al è stât arestât cu la acuse di spaç di droghe. Protagonist de vicende al è un glemonat di 43 agns, incensurât, fermât martars.
Intal cruscot dal so auto i poliziots a àn cjatât un clap di cocaine di 150 grams. L’om al à ametût la ativitât di spaç in zone e al à segnât ai agjents il cantîr di une cjase a Montenârs, dulà che al veve platât 10 bustinis che a contegnin ognidune un gram di cocaine. L’arest al è stât validât îr, ai 15 di Jugn, dal Gip di Udin Mariarosa Persico, che e à disponût pal om i arescj domiciliârs. (A.D.G.) – 16.06.2023
