Un furgon in retromarcje al à butât jù cheste matine il crucifìs devant de glesie di Sant Jacum, a Udin. E je une opare di datazion dificile, metude cuntune vore di probabilitât intal 1764, cuant che e je stade fate la gnove pavimentazion di piere di Place Matteotti.
L’incident al è sucedût aes 9 di cheste matine, cuant che il camion di une dite di bevandis al à colpît in maniere malacuarte il basament di piere che al ten sù la crôs pesante di fier batût. A vuidâ il veicul al jere un conducent zovin, che al à recitât daurman il ‘mea culpa’ alarmant il muini. Il lûc al è stât tressât daurman e cumò al è un pelegrinaç di citadins e curiôs.
L’abatiment de crôs al à sveât daurman cridôr in citât. Il centri di Udin, di fat, nol è gnûf a episodis di chest gjenar. Ai 15 di Mai passât – in plene adunade dai alpins – in place Marconi e je stade sdrumade in maniere malacuarte la statue dedicade a Carlo Sgorlon. Ancje alore, come vuê, al è stât un camion in retromarcje a fâ il dam. (a.d.g.) – 10.01.2024
