Un gnûf vicjari gjenerâl pe Arcidiocesi di Udin

Al sarà bonsignôr Dino Bressan, plevan di Tresesin, il gnûf vicjari gjenerâl de Arcidiocesi di Udin al puest di bonsignôr Guido Genero. Al è stât il stes arcivescul di Udin, bonsignôr Riccardo Lamba a visâ i predis de diocesi che si son cjatâts vuê a Aquilee pal pelegrinaç a lôr dedicât . La gnove incarghe e tacarà dai prin di Setembar di chest an, cuant che bonsignôr Bressan al varà di lassâ lis parochiis di Tresesin, Are, Fraelà.

Tal visâ de gnove nomine il vescul al à indreçât un pinsîr bande bonsignôr Genero che al à lavorât in cheste incarghe impuartante par cuindis agns. (a.d.g.) – 05.06.2025