Trasferiment dal marcjât di place XX Settembre in place Duomo a Udin

In concomitance cu la scree de gnove regolamentazion dal trafic tal centri storic di Udin e il scomençament dai lavôrs tra vie Canciani e vie Battisti, previodût tal principi di Avrîl, il Comun al à visât che al vûl spostâ lis ativitâts dai marcjâts setemanâi, che cumò a son in place XX Settembre, inte aree dongje in place Duomo.

Martars ai 12 di Març il vice sindic Alessandro Venanzi e l’assessôr ae Mobilitât Ivano Marchiol si son par chest cjatâts cui marcjadants par visâju dal prossim spostament, dopo che de cuistion a vevin za tabaiât cu la Curie di Udin. (a.d.g.) – 14.03.2024