No si ferme in Friûl la bataie pe aprovazion dal Messâl par furlan. Propit in difese dal messâl, bolât di pôc de Conference Episcopâl Taliane, e je stade inviade domenie ai 19 di Novembar une petizion che e à passât za lis 800 sotscrizions aes cinc di vuê dopomisdì.
A inmaneâ la racuelte firmis su la plateforme Charge.org al è stât Christian Romanini, diretôr dal Anuari di Glesie Furlane e vicesindic di Cjampfuarmit. “Il furlan – al à sclarît Romanini – al è za une lenghe liturgjiche doprade di tancj fedêi, tant che in marilenghe a son diviers tescj, ancje musicâi, di là de Bibie par furlan”.
Glesie Furlanie e à organizât par domenie ai 26 di Novembar une messe in lenghe furlane. La funzion si tignarà aes trê dopomisdì, inte glesie di S. Jacum a Vilegnove di S. Denêl dulà che, poiât sul altâr, al sarà propit il messâl no aprovât de maiorance cualificade dai vescui.
“La messe si ten di plui di 50 agns – al à riferît Romanini – e le fasarìn cun ducj chei che a volaran preâ par furlan cun nô”. (a.d.g.) – 20.11.2023