A Lignan e vierç la Scuele estive di linguistiche

Furnî ai zovins studiôs des siencis dal lengaç une formazion di alt nivel, un inzornament sientific e un confront culturâl sui temis plui atuâi de ricercje intal setôr de linguistiche. Al è l’obietîf de cuarantesime setime Scuele estive di glotologjie e linguistiche che e je inmaneade a Lignan dai 4 ai 7 di Setembar intal complès Bella Italia. Adiriture 42 studiôs zovins che a vegnin di ateneus talians e forescj a partecipin al progjet ideât di Roberto Gusmani e puartât indenant di Vincenzo Orioles, che a àn fat deventâ la Scuele un pont di riferiment afermât sul plan talian e ancje internazionâl. (A.I.) – 04.09.2023